РЕКЛАМА

Загрузка...

16.04.2008 на сайце www.lvolski.com адбыўся рэліз дэбютнага сольнага альбому Лявона Вольскага "Куплеты і прыпевы" – ён распаўсюджваецца цалкам бясплатна ў лічбавым фармаце mp3. Альбом складаецца зь 10 песень, вытрыманых у стылістыцы арт-брутал і трэш-шансон. У якасьці бонуса на сайце таксама можна спампаваць трэш-відэа “Эўравізія”. “Я сам не ведаю, чаго ў гэтым альбоме больш – чорнага гумару ці музыкі”, – прызнаецца Лявон Вольскі' />

"Куплеты і прыпевы" ад Лявона Вольскага

"Куплеты і прыпевы" ад Лявона Вольскага

16.04.2008 на сайце www.lvolski.com адбыўся рэліз дэбютнага сольнага альбому Лявона Вольскага "Куплеты і прыпевы" – ён распаўсюджваецца цалкам бясплатна ў лічбавым фармаце mp3. Альбом складаецца зь 10 песень, вытрыманых у стылістыцы арт-брутал і трэш-шансон. У якасьці бонуса на сайце таксама можна спампаваць трэш-відэа “Эўравізія”. “Я сам не ведаю, чаго ў гэтым альбоме больш – чорнага гумару ці музыкі”, – прызнаецца Лявон Вольскі.

Як усё рабілася

Ідэя альбому з'явілася ўвосень 2006. "Я недзе прачытаў пра тое, як нейкі дэпутат прапанаваў стэрылізаваць бамжоў, алькаголікаў і злосных аліментшчыкаў, – распавядае Лявон. – Адразу нарадзілася песня "Дэпутаты". Яна і дала ідэю – зрабіць гэткі брутальны трэш-шансон-праект".

Астатнія песьні з'явіліся вельмі хутка. Ужо ўвесну 2007 альбом быў запісаны, а летам – зьведзены. Апошняй кропкай у падрыхтоўцы стаў кліп "Эўравізія", зьняты ў лістападзе 2007. Ён жа стаў першым крокам у прамоцыі дыску – прэм'ера гэтага трэш-відэа адбылася 1 красавіка. За два тыдні яго паглядзела больш за 5 тысяч інтэрнэт-карыстальнікаў.

Музычны бок

"Куплеты і прыпевы" – гіпермінімалістычны і гіперканцэптуальны праект. Амаль увесь ён зроблены Лявонам Вольскім на культавым старым сінтэзатары Kurzweil, за выняткам некалькіх партый, выкананых на гітары Паўлам Трацяком.

"Я хацеў, каб аранжыроўкі максімальна адпавядалі канцэпцыі, – гаворыць Вольскі. – Таму што, на мой погляд, галоўнае ў гэтых песнях не музыка, якая грае даволі фармальную ролю, а менавіта тэкст і сама аўра. У пэўным сэньсе гэта нават ня "песьні", а менавіта "куплеты і прыпевы". Таму так і завецца альбом".

Лірыка

"Куплеты і прыпевы" – гэта сатырычныя замалёўкі на мяжы рэчаіснасьці і брутальнай фантазіі. Іх "лірычныя" героі ўзятыя з рэальнага жыцьця – алькаголікі і оперныя сьпявачкі, дэпутаты і палітычныя камэнтатары, папулярныя сьпевакі і памежныя кантрабандысты. Адзіны міфічны герой гэтага дыску – жыдамасоны.

"Жыдамасоны, як прычына ўсіх праблемаў у жыцьці грамадства, – гэта бадай адзін з найбольш вялікіх гістарычных міфаў, які быў прыдуманы на пачатку 20-га стагодьдзя ў царскай Расіі і з таго часу шмат выкарыстоўваўся нават у часы СССР, – тлумачыць Лявон. – Насамрэч добра вядома, што габрэяў сярод масонаў было не больш за рускіх і прадстаўнікоў іншых нацый. Зараз гэтага міфа ўжо няма, але традыцыі абвінавачваць у сваіх праблемах усіх, акрамя сябе, на жаль, засталіся. Менавіта пра гэта і песьня".

P.S.

Альбом атрымаўся брутальны і жорсткі з аднаго боку, тэатральны і гумарыстычны з другога. Шмат хто скажа, што ён абсурдны, і Лявон Вольскі першы пагадзіцца з гэтым. "Так, ён абсурдны. Такі ж абсурдны, як наша жыцьцё! Толькі на мастацкі лад", – усміхаецца сьпявак.
0
2315
23 апреля 2008
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.
Смотрите также
Канцэрт і сінгл ад Канцэрт і сінгл ад "Крамбамбулі"

Гурт \"Крамбамбуля\" 12 снежня зайграе сольны канцэрт у мінскім клубе \"Фартуна\". На выступе адбудзецца прэм’ера інтэрнэт-сінгла \"Дольчэ віта\", рэл...

"Крамбамбуля" запрашае на "Рамантычны канцэрт"

14 лютага, у сусветны Дзень усіх закаханых, гурт \"Крамбамбуля\" запрашае на \"Рамантычны канцэрт\", які адбудзецца ў мінскім West World Club. У прагр...

Новы альбом «Ляпіса Трубяцкога» ўжо ў СецівеНовы альбом «Ляпіса Трубяцкога» ўжо ў Сеціве

24 жніўня, за тыдзень да рэлізу на кампакт-дысках, гурт «Ляпіс Трубяцкой» выклаў свой новы альбом «Культпросвет» у Інтэрнэт для бясплатнага спампоўван...

Гісторыя Беларусі за пяць хвілін. Мультфільм пра «шалёны беларускі народ»Гісторыя Беларусі за пяць хвілін. Мультфільм пра «шалёны беларускі народ»

Не, гэта зусім не прапанова кшталту «Cусветная філасофія за тры гадзіны». Рэч у тым, што кампанія «Будзьма беларусамі!» і партал TUT.BY знялі першы ан...

Загрузка...
Посетители, находящиеся в группе Гости, не могут оставлять комментарии в данной новости.
Суббота, 24 Июня
USD 1.9284
EUR 2.1544
RUB 0.0323
Новости от партнеров
Сейчас на сайте
31 пользователь, 886 гостей